Twie kier de Mestreechter Geis aon e lint

Vendaog heet stadsprins Lloyd d’n Ierste Chris en Yolanda Meijer – Scharis, vaan de bekinde greuntekraom op de Merret, alle twie gedecoreerd mèt de boetegewoen medaalje vaan de Mestreechter Geis aon e lint.

Heimèt liet stadsvereiniging de Tempeleers wete de femilietraditie vaan de femilie Meijer – Scharis, ’t make en aonbeeje vaan de greuntekrans op vastelaovend zaoterdag, ten zierste te ekstemere en te waardere. 

Mie es veer kier elf jaor geleie is de femilie Scharis, destijds Sjaak en Marieke, begonne mèt ’t make en aonbeeje vaan de greuntekrans aon de stadsprins um hiemèt ’t Mooswief drei daog laank te iere. 

Nao Sjaak en Marieke höbbe hun opvolgers Jo en Vronnie Scharis die traditie weier doorgezat en nao hun höbbe Chris en Yolanda Meijer – Scharis dees bezunder traditie weier oetgebouwd en vörm gegeve.

De vastelaovend vaan Mestreech is riek aon tradities en zier zeker aon dees oetzunderleke traditie vaan ’t versere vaan de waterbak roond ’t Mooswief en ’t jaorleks aonbeeje vaan de greuntekrans aon de stadsprins.

Daanke Chris en Yolanda, die verleie week ouch nog groetawwer (vaan e jungske) zien gewoorde. Dus dees sjoen traditie kint neet verlore goon!

Lloyd I: ‘Ook tegen Cambuur heb ik zo gejuicht’

Zes weken moesten Lloyd en Joëlle Borgers zwijgen als het graf. Afgelopen zondag kwam daar voor hen gelukkig een einde aan. Prins Lloyd I en prinses Joëlle werden onder een stralende zon op de markt uitgeroepen als stadsprinsepaar. “In het begin is het nog te doen, mensen zijn bezig met

De Nieuwe Ster MaastrichtMaurice van der Linden